Flipgrid

 Tēnā koe, Rangitaki! He wā roa mā tāua! Me kaha ake taku torotoro haere ki tēnei mahi. Auē.

Kua kitea e au tētahi paetukutuku hou hei rāwekeweke mōku (me aku ākonga hoki), ko Flipgrid te ingoa. He huarahi anō hei hopu i a rātou mahi reo ā-waha. Ko te tino painga ki ahau, ka noho ā rātou mahi ki runga i te whārangi akomanga o te paetukutuku - kāore he take kia īmēra mai rātou ki ahau, aha rānei. Nā reira he uaua ake te karo (ktk).

Anei tētahi kiriata i waihangatia e au, hei whakaatu i tētahi mahi toi.

Te Reo Matatini

Bingo

 I tēnei rā i tākaro Wharewhare mātou ngā kaiako!

DFI 9

 Unable to attend due to bereavement. Materials and slides from DFI 9 reviewed independently. 

WHAKAARO HURITAO 12/7/21

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani?

• I āta whakaaro ahau mō ētahi tauira tākupu papai hei whakaatu ki āku ākonga. Koina tētahi huarahi kia whakaako ahau i te kaupapa nei ki a rātou - mā te kite i ētahi tauira, ka mārama haere pea ki te kaupapa nei. Mā reira ka pakari ake ai tō rātou kaha ki te Tohtoha.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi?

• Me hoki atu ia wāhanga kia tirohia anō ngā kaupapa nei.

• He aha aku akoranga kia tukua, kia tohaina atu ki āku ākonga?

• Atu i ngā kaupapa kua kōrerohia kē - tērā pea ko te Summer Learning Journey? He kaupapa mā te kura katoa e mahi, kaua ko te akomanga kōtahi noa iho, engari, he whakaaro tino pai.

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

• He rite tonu te whakautu nei ki te DFI o mua - Kore kau pea. I roto i taku ao whaiaro, kāore anō au kia tino ruku ki tētahi kaupapa ao matihiko. INA ruku atu ahau (hei tauira, he paetukutuku mō te whānau), he maha rawa atu ngā akoranga!!

SCREENCASTIFY

 Anei taku kiriata e whakamārama ana i ētahi tauira tākupu hei āwhina i āku tauira. Ki taku whakaaro, kāore au e whakamahi i tēnei (he maroke rawa), engari, anei te tauira i hangaia e au i te rā nei.

SHOW ME

 I te rā nei i whai wā mātou ki te raweke haere ki Show Me, tētahi taupānga īpapa. He poto noa te whakaaturanga nei, engari he tīmatanga noa.

WHAKAARO HURITAO 25/6/21

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani?

• Kei te whanake haere te mōhiotanga ki roto i ahau, kia rerehua ngā mahi ki ngā tamariki (engari kia kaua e haukerekere rawa ngā mahi ki ngā karu). Hei tauira, ahakoa he rawe ngā gifs ki ngā tamariki (me au hoki), kia kaua e kaha whakamahi, nā te mea ka mātaki kē ngā ākonga i ngā gifs, ā, e kore pea e aro ki ngā mahi. Ākene pea he pōtatutatu kē. Kia kaua hoki e kī rawa te paetukutuku ki ngā momo mahi KATOA - ko ngā marau matua o te akomanga te mea nui (pāngarau, reo matatini). Hangaia tētahi paetukutuku motuhake mō ērā atu kaupapa (Hākinakina, aha rānei).

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi?

• I ako mātou me aha mehemea ka tae atu ngā tākupu "spam", me ngā tākupu kino ki ngā rangitaki. Ko tētahi atu whakaaro anō kua puta mai ki ahau, ki te whakaako hoki ki ngā tamariki kia kaua e pēhi i ngā honongaitua ka puta mai i ngā tākupu.

• He aha aku akoranga kia tukua, kia tohaina atu ki āku ākonga?

•   Te hanga pātene honongaitua; ngā whakaaro e hāngai ana ki te rerehua o ngā mahi (hei tauira, kia rua noa ngā momotuhi i runga i te whārangi kōtahi; kia āta whakaaro hoki mō ngā kara; kia kaua e kaha whakamahi i ngā gifs i roto i te mahi kōtahi).

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

• Kore kau pea. I roto i taku ao whaiaro, kāore anō au kia tino ruku ki tētahi kaupapa ao matihiko. INA ruku atu ahau (hei tauira, he paetukutuku mō te whānau), he maha rawa atu ngā akoranga!!

DFI 25/6/21

 

I te rā nei i whāi wā mātou ki te tutu ki ngā paetukutuku (pāia!!!!) Ko tāku tino hiahia i te rā nei, ko te hanga pātene anō hei honongaitua ki ngā rangitaki ākonga. Ko taku whakaaro, kia hangaia me ā rātou whakaahua polyline. He mahi tino nui (ā, ko te raru, kāore anō ētahi kia whakaoti, pai kare!!!), engari anei tētahi kua oti kē i ahau te hanga. 

NGĀ PAETUKUTUKU I HANGAIA E AU I TE RĀ NEI

 

WHAKAARO HURITAO 11/6/21

He aha aku akoranga hei āwhina i taku mārama atu ki te ariā ako me te kaupapa o Manaiakalani? 

I ako ahau e pā ana ki te hanga paetukutuku motuhake mā ia marau, kia kaua e kīkī rawa te paetukutuku kōtahi ki ngā marau rerekē. He māmā ake hoki te whakatere. I ākina hoki mātou kia tohatoha tātou, ngā kaiako Māori, ki a tātou anō (kia kaua e noho ā-kura noa).

He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi?

Ko Publisher taku tino taupānga, engari me whakaKūkara ahau i aku rauemi Publisher kia taea te whakauru ki tētahi paetukutuku. Kua whakaako ahau i ahau anō ki te tīni i ngā rauemi Publisher hei pikitia (engari me tīni i ia pikitia, he āhua hōhā tērā). Kāore e kore he huarahi pai ake/tere ake rānei, māku e rangahau atu. 

 He aha aku akoranga kia tukua, kia tohaina atu ki āku ākonga?

Ngā tapanga rangitaki (blog labels), kia māmā ake ai te kite i ngā mahi e hāngai ana ki ngā marau rerekē (kāore anō a Whakapono kia tīmata ki te mahi rangitaki).

He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

Tērā pea ka hangaia ētahi paetukutuku mō ngā kaupapa whānau? (Kapa Haka/Waiata/Whakapapa, e aua:)) 

NGĀ WHAKAARO HURITAO DFI 28/5/21

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani?

I te rā nei, i ako ahau e pā ana ki ētahi huarahi kia kite ai ngā tamariki i tō rātou ake kaha ki te pōhi ki ā rātou ake rangitaki. He take nui tēnei i roto i tōku akomanga i tēnei wā, ara, ko te whakaoti mahi. Rawe ēnei akoranga kia ako ngā tamariki ki te kawe i ā rātou ake mahi.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi?

I whakapakari anō ahau i taku mōhio ki te hanga kauwhata. Kua āhua wareware ahau i ngā āhuatanga o te mahi nei, ā, he akoranga pai hoki mā ngā tamariki.

• He aha aku akoranga kia tukua, kia tohaina atu ki āku ākonga?

Ko ngā mahi auaha (Flippity, Minecraft). Mīharo kē! ko Ngā Tākupu Rangitaki Papai hoki.

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

Kāore au e tino whakamahi i te Ripanga Kūkara i roto i taku ao whaiaro.

Te Kohi Raraunga

 I tirohia e mātou ngā momo kōrero hei tautoko i ngā raraunga ka puta mai i ngā rangitaki. Hei tauira, me pēhea te ākonga e mōhio ki tōna ake kaha ki te pōhi? Ka waihangatia tētahi kauwhata pou kia kite ai ngā piki me ngā heke. Anei ngā raraunga e hāngai ana ki a Julianna.

Ko te marama o Haratua 2020 te wā i kaha pōhi ai a Julianna. E whai atu ana ko ngā mārama o Hereturikōkā me Mahuru 2020. Ko Julianna anake ka mōhio i te take i pēnei ai - tērā pea ko te hōtoke te take he kaha ia ki te pōhi?

DFI 28/5/21 Tāmaki Makaurau

 I tēnei rā i ako mātou ki te raweke haere i roto i a My Maps. Ko tāku mahi, ko te whai i ngā tapuwae o taku tipuna, a Mahinaarangi, i tōna hīkoi i te Tai Rāwhiti tae noa mai ki te rohe o Waikato. I a ia e hīkoi ana, i whānau mai te tipuna nei a Raukawa. 

Kāore au e tino mōhio mehemea he tika rawa taku mahere, engari he tirohanga whānui ki tana haerenga. Mōhio tonu ahau, i haere ia mā Te Urewera, me ngā pae maunga o Kaimai me Mamaku, i a ia e hapū ana. Kātahi te wahine toa ko Mahinaarangi!

NGĀ WHAKAARO HURITAO DFI 14/5/21

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani?

I te rā nei, i ako ahau e pā ana ki ētahi o ngā āhuatanga hei tiaki i ngā tamariki i roto i te ao matihiko, kia haumaru ai tō rātou noho. Koina tētahi o ngā tino āria ako o te Manaiakalani, ko te 'tohatoha', engari kei reira hoki ngā pūnaha kia haumaru ai tātou.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi?

Ngā akoranga Tiriata (Youtube). I mōhio kē au ki te hanga rārangi kiriata (playlist?) engari kua wareware katoa i ahau. Nā reira he pai tonu kia hoki atu anō ki aua akoranga. Waihoki, i ako au ki te whakarite i taku Tiriata mō te kura kia haumaru ai. Ina waihanga kiriata ngā tamariki, e āhei ana te whakarite kia kaua e whakaatu ki te ao katoa, kia kaua hoki e whakaaetia ngā tākupu. Rawe!

• He aha aku akoranga kia tukua, kia tohaina atu ki āku ākonga?

Te pepeha matihiko. He huarahi anō hei whakaatu pepeha. Kua hanga Animoto i ngā rā

o mua mō te pepeha, engari he nui pea ngā raru anō o te Animoto (he utu, ā, me tikiake

i ngā waiata i te Tiriata. He māmā noa mā ētahi tamariki te kōtiti haere)  

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

Te whakarite rarangi kiriata/waiata i taku Tiriata whaiaro. Koina noa pea!

Te Pepeha Matihiko DFI 14/5/21

I tēnei rā, i ako ahau i ētahi mahi anō hei whakaatu i te pepeha.

  

Ko wai ahau? DFI 14/5/21

Tēnā koe! Anei ētahi paku kōrero e pā ana ki ahau.

 

Ngā Whakaaro Huritao DFI 30/4/21

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani?

Ko te mea nui hei ako māku, ko te tohatoha. Me maumahara ahau i ngā wā katoa kia rite ai aku mahi mō te tohatoha. Me whakarite hoki ahau i āku ākonga mō taua āhuatanga - ko te painga anō hoki, ka ako rātou kia whaitake, kia atawhai, kia tika ngā tākupu.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi?

Google Keep! He rawe rawa atu hei hopu whakaaro, ka hono hoki ki taku waea - mīharo!

• He aha aku akoranga kia tukua, kia tohaina atu ki āku ākonga?  

Ki taku nei whakaaro, he rawe te nuinga o ngā mahi o te rā nei mō āku ake mahi kaiako, kia māmā ake ai, kia rere pai ai aku mahi. Kāore he tino painga i roto mā aku ākonga.

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?

Ko te māramataka pea te wāhi tino pai mō taku ao whaiaro - kia whakarite pai ai i ngā mahi a te whānau whānui, kia hono hoki ki ā mātou waea pūkoro.

DFI 30/4/21

 

Ngā Whakaaro Huritao DFI 19/4/21

He aha aku akoranga hei āwhina i taku mārama atu ki te ariā ako me te kaupapa o Manaiakalani? 

 He maha ngā akoranga hou māku, engari ko tētahi mea nui, kia āta whakaako ahau ki ngā tamariki kia āta whakaritea tō rātou ao matihiko (pērā i te pukapuka). Nā reira, me āta ako rātou ki te tūwhera i te kōpaki tika i te tuatahi, arā ka huakina tētahi whārangi hou KEI ROTO TONU i te kōpaki. Me tapa i te whārangi i te tuarua (me ō rātou ingoa i te timatanga- LP, aha rānei). Kia whakatepe hoki ō rātou ao matihiko, anō nei he pukapuka. 

 He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi? 

 He rawe ki ahau ngā akoranga e pā ana ki te whakarākei i ngā Tuhinga Kūkara (Google Docs) - he mīharo rawa atu! (Kāore anō kia oti, engari he pārekareka rawa te hanga...)

He aha aku akoranga kia tukua, kia tohaina atu ki āku ākonga?  

Ko ngā akoranga katoa e hāngai ana ki te whakarākei Tuhinga Kūkara (ara, ko te tango i te papamuri, te hanga tūtohi i te tuatahi kia whakatepe te āhua o ngā pikitia ...)

He whakaaro anō hoki mō te tuhi māhorahora - Tuhi Māhorahora

Nau mai, haere mai ki tēnei taonga

 Nau mai, haere mai ki tāku rangitaki ngāiotanga.

He wāhi tēnei kia whakaaro huritao ahau mō aku whāinga Ako ā-Urupounamu.