He aha aku akoranga hei āwhina i taku mārama atu ki te ariā ako me te kaupapa o Manaiakalani?
I ako ahau e pā ana ki te hanga paetukutuku motuhake mā ia marau, kia kaua e kīkī rawa te paetukutuku kōtahi ki ngā marau rerekē. He māmā ake hoki te whakatere. I ākina hoki mātou kia tohatoha tātou, ngā kaiako Māori, ki a tātou anō (kia kaua e noho ā-kura noa).
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi?
Ko Publisher taku tino taupānga, engari me whakaKūkara ahau i aku rauemi Publisher kia taea te whakauru ki tētahi paetukutuku. Kua whakaako ahau i ahau anō ki te tīni i ngā rauemi Publisher hei pikitia (engari me tīni i ia pikitia, he āhua hōhā tērā). Kāore e kore he huarahi pai ake/tere ake rānei, māku e rangahau atu.
He aha aku akoranga kia tukua, kia tohaina atu ki āku ākonga?
Ngā tapanga rangitaki (blog labels), kia māmā ake ai te kite i ngā mahi e hāngai ana ki ngā marau rerekē (kāore anō a Whakapono kia tīmata ki te mahi rangitaki).
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?
Tērā pea ka hangaia ētahi paetukutuku mō ngā kaupapa whānau? (Kapa Haka/Waiata/Whakapapa, e aua:))
Kia ora anō e te Whaea,
ReplyDeleteTika tāhau, me tīmata pea e koe ki te whakaKūkara i aua kōnae Publisher. Mō ngā mahi hou me tīmata rānei te whakarite ki tētahi taupānga Kūkara, he whakaaro noa. He rawe tēnā whakaaro mō te whakarite i tētahi paetukutuku mō ngā kaupapa whānau. Mēnā he mea waiata e āhei ana te whānau ki te ako i aua taonga ki te kāinga.
Ngā mihi anō
Nā Makaore