He aha aku akoranga hei āwhina i taku mārama atu ki te ariā ako me te kaupapa o Manaiakalani?
I te rā nei, i ako ahau e pā ana ki ētahi o ngā āhuatanga hei tiaki i ngā tamariki i roto i te ao matihiko, kia haumaru ai tō rātou noho. Koina tētahi o ngā tino āria ako o te Manaiakalani, ko te 'tohatoha', engari kei reira hoki ngā pūnaha kia haumaru ai tātou.
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi?
Ngā akoranga Tiriata (Youtube). I mōhio kē au ki te hanga rārangi kiriata (playlist?) engari kua wareware katoa i ahau. Nā reira he pai tonu kia hoki atu anō ki aua akoranga. Waihoki, i ako au ki te whakarite i taku Tiriata mō te kura kia haumaru ai. Ina waihanga kiriata ngā tamariki, e āhei ana te whakarite kia kaua e whakaatu ki te ao katoa, kia kaua hoki e whakaaetia ngā tākupu. Rawe!
He aha aku akoranga kia tukua, kia tohaina atu ki āku ākonga?
Te pepeha matihiko. He huarahi anō hei whakaatu pepeha. Kua hanga Animoto i ngā rā
o mua mō te pepeha, engari he nui pea ngā raru anō o te Animoto (he utu, ā, me tikiake
i ngā waiata i te Tiriata. He māmā noa mā ētahi tamariki te kōtiti haere)
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?
Te whakarite rarangi kiriata/waiata i taku Tiriata whaiaro. Koina noa pea!
Kia ora Whaea Lynda,
ReplyDeleteI've really enjoyed reading your reflection. Youtube is such a useful tool for us teachers, but sometimes we forget about these great tools. Have you use the collaborative function on a Youtube playlist?
Vicki